pagkatapos ng review....

Ilang araw na ang nakalipas, at oo.... napakaraming araw na ang nakalipas, at ngayon lang ako muli makakapag sulat ng isang blog entry para sainyong lahat. Ngayon ay May 6 na, at ang aking huling blog post ay noong April 20 yata o basta noong linggo ng kanilang graduation. At hayun. Hindi na ako nakapag-update sa inyo kung anong mga pinagkakaabalahan ko....

Ano nga bang mga pinagkakaabalahan ko? Noong April kasi, nagrereview pa ako nun sa umaga, kaya sa umaga ako ay laging nasa Esteban Abada, sa EXPERT Guides. Pagkatapos noon ay dumederetso ako lagi sa College of Engineering. Nakikipagdaldalan ako doon at kung ano ano pa. Pagkatapos ay tinatamad na ako mag internet o mag blog.

Kadalasan ako ay nakakatulog, o kung hindi naman ay minsan, nagbabasa ako ng mga vocabulary --- words upang makatulong sa aking bokabularyo kasi doon ako mababa. Iyon ang napagtanto ko sa EXPERTS.

Kung hindi naman ako natutulog, o nag-aaral ay baka nagtetext ako at naglalaro at gumagawa ng kung ano anong bagay... sabihin na nating... tinatamad akong mag-blog.

Sa blog kong ito, malamang ay nais kong sabihin... Ang aking appreciation sa review. Noong natapos na ang review, saka ko lang ito na-appreciate. Hindi ko naman talaga naiisip na itong mga pinag-aralan ko sa review center ay maaalala kong lahat sa UPCAT, malamang ay si stocked knowledge pa din ang mamayani.

Ngunit, sa aking pagrereview, may mga ilang bagay akong natutunan siguro o na-experience, na maaring hindi ko siya ma-eexperience at magagawa ngayong summer kung hindi dahil sa Experts, Abada-B, batch 6.

Una, sabi ko nga, wala ako dun para mag-aral talaga. At sa totoo naman, ay nagkaroon din talaga ako ng mga bagong kakilala, tulad na lang nila Judith, Sofia, Karla, Maye, Mikki, RJ, Tricia, Jecee, Mitzie, Jomari, Neil, Paolo, Robby... Nakilala ko lang sila, bagamat hindi kami close, new friends, na hindi ko magagawa pag sa UPIS. Iba kasi ang crowd doon sa Abada-B, hindi ko alam pero nasanay na rin ako sa crowd dun at nagustuhan ko din sila. Napansin ko, maraming mga Ateneo at Miriam, at mukhang nag-eenjoy naman kami. Hahaha.

Pangalawa, nakilala ko ang ilang mga nakakaaliw na teachers doon tulad nalang nila sir Marrick, sir Rai, maam Adel, maam Cathy, maam Rach, yung chem teacher at etc etc. Kay sir Marrick ko natutunan ang IDK which is... I don't know. Haha. Natutunan ko na kailangan kong bilisan ng bilisan ang Math solving etc...

Ang importante naman na natutunan o nagawa sa akin ng experts ay hindi yung natuto ako ng ganito, ng x+y etc... Marahil ay sabihin na nating... yung ibang tinuro dun, alam na namin yun kasi review na lang nga diba. Pero, ang natutunan ko dun ay yung pagpupursigi ko talaga din, dahil nga noong nalaman kong kahinaan ko ang math 2 at ang English. Nag-aral talaga ako ng English din at sinubukan, sinubukan, sinubukan ko ang Math 2. Kahit ngayon ay di ko kaya, kakayanin ko.

Nalaman ko doon na.... Wait. May goal ako. Hindi maaaring mababa ako dito. Kailangan kong paghirapan to lalo na't ang aking goal ay... Chem Engg o MBB, kahit di pa ako sigurado. Kaya ayun, kahit walang grade... Ay medyo nag-aral naman ako. Hello, hindi nga sa grade umiikot ang lahat.

At narerealize ko din ngayong summer na lumalapit na ang deadline ko sa pagdecide ng gagawin ko sa buhay ko... Hanggang ngayon, hindi ko pa rin alam kung anong landas ang tatahakin ko... MBB? Chem Engg?? Hindi kasi yun ang pinapangarap ko pa talagang landas. Ang gusto kong mangyari...

1) Maging diver/marine biologist.
2) Magkaroon ng restaurant/cafe.
3) Maging singer.
4) Yumaman.
5) Makarating ng maraming lugar.

Pero... wala sa mga course choices ang magdadala sa akin direkta dito... Ngunit, sa aking palagay, lumiko liko man ang aking landas, sana ay sa isang direksyon pa rin ito patungo. Maganda na ngayon ay alam ko kung anong gusto kong mangyari... Para kahit papaano ay may alam ako. Diba? haha. Pero, kung meron nga lang isang straight line going to my dream, kukunin ko na. Pero hindi eh. May brick wall pa, na aking i-oovercome. At marami pa ding detours na kailangang tahakin. Pero malalampasan ko yun, malalampasan ko sila.

Para sa ating mga pangarap, kaya natin to!

------------------
Hay, Abada-B, b6, mamimiss ko kayo. :) Oo nga pala, grade 10 na tayo next year. Last year na to, sulitin, isa lamang ang pagkakataon.
:)

♥♥♥

lovelovelove,
eLise.

♥♥♥